Háaleitisbraut 13

108 Reykjavík

535-1900

Alla virka daga milli 8-16

[email protected]

Vertu í sambandi

Þjónusta Sjónarhóls

Hvað gerum við?

Sjónarhóll er óháð ráðgjafarmiðstöð sem vinnur að því að styrkja og efla einstakar fjölskyldur. Starfsmenn Sjónarhóls eru liðsmenn fjölskyldna og veita aðgengilega lausnamiðaða aðstoð. 

Megintilgangurinn með þjónustunni er að börn og fjölskyldur þeirra geti nýtt sér almenna lögbundna þjónustu og komist í samband við önnur úrræði sem gætu gagnast þeim. Áhersla er lögð á að hjálpa foreldrum að greina þarfir sínar og barns, efla og nýta sín eigin bjargráð með því að styðja þau að sjálfstæði og að lokum að fræða foreldra um þau þjónustuúrræði sem gætu gagnast þeim. 

Sjónarhóll vinnur einnig að samþættingu og umbótum í þjónustu við fjölskyldur barna með ólíkar þarfir að leiðarljósi.

Þjónusta Sjónarhóls felst í ráðgjöf og stuðningi við fjölskyldur barna með sérþarfir. Um er að ræða ráðgjöf þar sem að hagsmunir barnsins eru hafðir að leiðarljósi. Ráðgjöfin er veitt í síma, með tölvupósti, viðtölum eða fundum með þáttöku fleiri foreldra, mismunandi fagaðila og stuðningsaðila eftir því sem við á auk þessa að efla tengsl fjölskyldna sem búa við svipaðar aðstæður.

Á Sjónarhól eru allar fjölskyldur velkomnar, ekki þarf neinar tilvísanir og ekki þarf að greiða fyrir þjónustuna.

 Hér er hægt að nálgast bækling um þjónustu Sjónarhóls á íslensku, ensku og pólsku. 

Hafðu samband

Hægt er að senda okkur tölvupóst á [email protected] og við höfum samband til baka eins fljótt og við getum.

Síminn 535-1900 er opinn milli kl. 8 og 16 alla virka daga.

Sjónarhóll er til húsa á Háaleitisbraut 13 á 2. hæð. Gott aðgengi er að húsinu.

Styrktarreikningur Sjónarhóls

0101-15-379009
Kt. 540503-3030