Landssöfnunin Fyrir sérstök börn til betra lífs

Efnt var til Lanssöfnunarinnar Fyrir sérstök börn til betra lífs haustið 2003 og náði hún hápunkti sínum laugardaginn 8. nóvember 2003 með útsendingu Sjónvarpsins á skemmtiþætti. Áður hafði farið fram umfangsmikil kynning á hlutverki og markmiðum ráðgjaafarstöðvarinnar í fjölmiðlum. Framlög í landssöfnunina námu tæpum 63,5 milljónum kr. sem fjárfest var fyrir í húsnæði á Háaleitisbraut 13 í Reykjavík.

Jafnframt var gengið frá samningum við fimm stórfyrirtæki, félagasamtök og stofnanir sem ákváðu að gerast fjárhagslegir bakhjarlar Sjónarhóls til þriggja ára. Þessir bakhjarlar voru Ríkisstjórn Íslands, Actavis, Össur hf., Landsbanki Íslands, Pokasjóður verslunarinnar og Kvenfélagið hringurinn.

Auk þess bárust Sjónarhóli góðar gjafir í landssöfnuninni. Dæmi um þær voru frímerkjasafn, trippið Rektor og myndir eftir Veturliða Guðnason sem eru til sölu hjá Sjónarhóli.